Cadayn: Ina Cabdi Shimber waa wiil aanu qaraabo nahay. Rer-galbeedku waxay family u haysteen inta dhaafsan abtirsiinta aabaha. Sidaas darteed Ilma Shugri Gaal Eri oonu habrawadaag nahay ayaa wiilka isku qoys naga dhigaya.
Laakiin arintaas ugu ma hadlayo.
Xidhigiisu waxa uu isoo xasuusayey erey ay maalin MW Mustafa Cumar iyo kooxdiisu isla dhex mareyeen oo ah Kacdoonku Caruurtiisu Cunaa (Revolution deouvers its children - qoraa horaa yodhii).
Hada xidhigi Subeer Cabdi Shimbir ayaa ka marag kacaya maahmaadaas. Taariikhda dib u mililicso.
Maqaal aan 1994 qoray waxaan ku soo qaatay dilkii Maxamed Cumar Tube oo TPLF dishay. Waa maqaal dheer oon lahaa TPLF yaan waxba laga sugin. Sheekada Ina Tube ayaa dib iigu celisay 1976 iyo tababarkii WSLF iyo xeradii Qabri baxar oo Lughaya ku taal.
Sadex nin ayaa tababarta WSLF ugu magac dheer: Ina Tube oo aroortii qiyaas 4: 00 AM isaga oo dhangad iyo AK -47 wata, gadh madow oo buuxa leh ku dhawaaqi jiray: " wake up! Wake up!" Waa orodkii 4ta mile!!
Maxamed Cali, oo ahaa nin aad u cas oo gadh buuxa leh, laakiin cod yar, Af Carabi iyo Soomaali isku badhxa ayaa la socda. Waa commandos Falastiin soo tababartay. Dhinaca kale waxa had iyo jeer la socday Cabdi Shimbir: waxa uu ahaa nin dhuuban oo timo dheer, energy ka kuuxo oo had iyo jeer nagu wacdiyi jiray Axmaaro waxayeeladeeda.
Wiilkiisii maanta waa maxaabiis.
Cabdi Shimbir waxay walaal ahaayeen Shugri Gaal Eri oo Haberyartay u dhaxday. Waa Cader Cige oo ahyd "Alaqa" ama madaxa aan loo ogayn ee soo uririsa Jabhada.
1976 iyo 1977, dadka rer-Soomali Galbeed aad ugu ma badnay Hargeysa. Inta joogtaana magac wax magac dheer ku leh wuu yaraa. Sidaas darteed wax badan WSLF mahaysan.
Hal xafiis oo buurta ku yaal oo kaliya ayey lahaayeen. Waxay ahayd goobta dadka Jabhada loo qoro laga ambabixiyo. Meelo madaxda ku nasto hal guru oo kaliya ayaa jiray. Waa Gurigii Cader Cige oo ah Muna Shugri Gaal Eri hooyadeed. Yusuf Dheere, Cabdi Shimbir, Maxamed Cali, Tube, Ahmed Cali nuur (Burqaa Tirtira). Gurigaasi waxa uu u ahaa aqal iyo Xafiis labadaba.
Hada waxa Cader Cige ay ka tagtay Caruur ilmo Shugri Gaal Eri iyo Ilma Axmed Cali Nuir ah. Maxamed Cali waxa Caruur u dhashay Gabad familia ah oy iska heleen Gurigii Cader Cigi (Waa rer-Badhcun).
Familika rer-Gaal Eri waa fadaahiyiin rag iyo dumar. Musuq weyn ayey ka haysteen asalkii WSLF. Xuquuqda yar ee maanta la sheegayo wey u soo kifaaxeen. Waxayse noqdeen reerkii kacdoonku cunay.
Please free Suber Cabdi Shimbir!
Comments
Post a Comment