Skip to main content

Shah Rukh Khan oo u gurmaday cunuggii damcay inuu kiciyo hooyadiis oo dhimatay

Shah Rukh Khan oo u gurmaday cunuggii damcay inuu kiciyo hooyadiis oo dhimatay

  • 1 Juunyo 2020
.Lahaanshaha sawirkaHINDUSTAN TIMES
Jilaaga caanka ah ee shirkadda filimada Bollywood-ka Hindiya, Shah Rukh Khan ayaa la murugooday dhacdada ku saabsan cunug yar oo isku dayay inuu kiciyo hooyadiis oo ku geeriyootay goobta laga raaco tareennada.
Hay'adda samafalka Meer Foundation, oo uu leeyahay atoorahan, ayaa ballan qaadday inay dhaqaale ku caawineyso cunuggaas yar oo laga arkay muuqaal laga soo duubay boosteejada tareennada ee Muzaffarpur.
Ilmaha yar ayaa muuqaalka sida weyn u faafay laga daawaday isagoo isku dayaya inuu kiciyo hooyadiis oo goobta ku geeriyootay, xilli ay jiraan dhibaatooyin heysta dadka qaxootiga ah.
Meer Foundation ayaa baraha bulshada ku shaacisay sawir uu ka muuqdo cunugga yar oo la jooga ayeydiis iyo awowgiis, kuwaasoo hadda xannaaneyntiisa la wareegay.
"#MeerFoundation way u mahad naqeysaa dhammaan dadkii nagu caawiyay inaan la xiriirno cunugga yar, oo muuqaalkiisa qalbiga taabanaya laga arkay isagoo isku dayaya inuu kiciyo hooyadiis," ayaa lagu yiri qoraal lasoo dhigay bogga uu Shah Rukh Khan ku leeyahay Facebook.
Shah Rukh KhanLahaanshaha sawirkaSHAH RUKH KHAN/FACEBOOK
Image captionShah Rukh Khan
Shah Rukh ayaa sidoo kale qoraal uu soo dhigay bartiisa Twitter-ka ku yiri: "Waad ku mahadsan tihiin inaad nasoo gaarsiiseen arrinta cunugga yar. Dhammaanteen waxaan ugu duceyneynaa inuu awood u yeesho sidii uu u wajihi lahaa nasiib darrada ugu xun dunida ee ah inuu waalid kaa dhinto. Waan garanayaa sida uu dareenkaas yahay.. Jacayl iyo taageeraba waan kula garab taagan nahay yariisoow."
Shah Rukh wuxuu aabihiis ka dhintay isagoo ilmo yar ah, hooyadiisna waxay geeriyootay 30 sano ka hor.
Wareysi uu siinayay David Letterman, ayuu Shah Rukh ku sheegay inuu ka qoomameeyo "in waalidkiis ay waqti ku filan la noolaan waayeen, laakiin isagu uu ku duceysto inuu carruurtiisa muddo dheer la qaato".
"Waan la seexdaa carruurteyda, waan la sheekeystaa, dhibaatooyinka heysta ayaan la xalliyaa, waana necbahay marka ay caqabado kala kulmaan lamaaneyaashooda dhinaca shukaansiga", ayuu yiri.
Shah Rukh waa mid ka mid ah jilayaasha ugu taageerada badan caalamkaLahaanshaha sawirkaSHAH RUKH KHAN/FACEBOOK
Image captionShah Rukh waa mid ka mid ah jilayaasha ugu taageerada badan caalamka
Hay'ado dhowr ah oo uu leeyahay jilaagan sida; Kolkata Knight Riders, Red Chillies Entertainment, Meer Foundation iyo Red Chillies VFX ayaa ku dhawaaqay inay gacan ka geysan doonaan sidii dowladda Hindiya looga caawin lahaa inay wax ka qabato dhibaatooyinka ka dhashay cudurka Covid-19 iyo dagaalka lagula jiro.
Xanuunkaas ayaa saameyn ku yeeshay dadka reer Hindiya ee quutul daruurigooda ka heli jiray shaqooyinka ay maalintii qabtaan. Howlaha noocaas ah ayaa la joojiyay markii xayiraad la galiyay dhaqdhaqaaqyada waddanka oo dhan, si loo yareeyo faafitaanka cudurka safmarka ah.
Coronavirus ayaa sidoo kale hakad galiyay Dhammaan dhaqdhaqaaqyadii shirkadda filimada sameysa ee ugu weyn qaaradda Aasiya, ee Bollywood, taasoo uu fadhigeeda yahay dalka Hindiya.
Qaar badan oo ka mid ah jilayaasha shirkaddaas ayaa ka qeyb qaadanaya caawinta dadka ay heystaan dhibaatooyinka ka dhashay cudurkan.

Comments

Post a Comment

Popular posts from this blog

Cafisku waa qayb kamida caafimaadka aadanaha W/Q cabdicasiis Abiib mohamuud

Cafisku waa shey qaali ah waa wax loo baahan yahay in laysa saamaxo oo lays cafiyo waayo cafiska waa qeyb kamid ah nolosha baniaadanka. Cafiskana wuxuu lug ku lee yahay jaceylka waayo qof aan waligii wax saamixin ama cafin wax ma jeclaado.haddaad saamaxdo dadka waxay ahaanayaan kuwo ku leh oo mar walba kugu tashada. Soomaaalida waxay tiraadaa JACEYLKU WUXUU KU NOOLAADAA BIXIN IYO CAFIS NAFTUNA WAXAY KU NOOLAATAA HELID IYO ILOWSHO sidaa ay tahay waxaa yar dadka maantay wax cafiya waa dadka maantay iskuma kalsoona mana aaminsano ereyga cafis waxa uu yahay. Cafiska ama saamaxa waa qeyb kamid ah naxariista waaayo in lays cafiyaa xitaa dhanka diinta waa ay ka banan tahay, hadaba raaac qodobadaan soo socda sida aad u baratid cafiska waxa uu yahay iyo si aad u saamaxdo saaxiibtaa ama saaxiibkaa qalad kaa galay. 1. Cafiska wuxuu dhaqaa ama meyraa qalbi bani,aadan wuxuuna cusbooneysiiyaa jaceylka. 2. Cafiska waa midka horseeda nabada, jaceyl iyo wuxuu isku furaa qalbiyada labo
Post a Comment
Read more

gabay aad uqiimo badan waxaa idiin soo gudbinaya walaalkiin cabdicasiis abiib mohamuud

Magaca: Gurmad Curiye: Maxamed Xaashi Dhamac “Gaarriye” Dulucda : Hawaala-warran iyo hillaadin. Godka: Saar1 Goorta: 2005. Gun baa haan laga unkaa Duq baa geel loo tumaa Gaw ban ka aqaan durbaan, Waxaa geed lala tagaa Genkaad tahay erey la da’ ah Gefkana bashar baad u tahee Haddii aad garowdo khalad Gob bay tahay caadadeed. Waxaan godobtiisu hadhin Gar aad leeduu ogyay Nin kaaga masuugay gole. Waxaa gabay lagu saxdaa Candhuuftu gashaa dalqada Markuu milil guud ka dhayo. Golxoo dhami maaha dhalan Mar bay ged kaleeto tahay Dibnahoo ku gariira iyo Gengada waxaa keenta been. Waxay tixdu gaabsataa Damiirku markuu gam’aa, Haddii hal ku seego geed Waxaad gocataa hurdada. Intaa guntay oo dhigee Hadduu geeraar wax taro Maxaan gelin dhexe onkoday, Maxaan goohoon tallamay, Adoo gabbalkaagu dumay Maxaan gudcur bajiyoo U daaray cadceed gayiga. Maxaan galab oogay shamac Waxaan guuraha meershiyo Waxaan subax loogay gool Hadday gees kaa mareen Maxaad farta iigu godi? Dhegtaadaa soor-gad l
Post a Comment
Read more