Skip to main content

ITOOBIYA OO QIIQ IYO UURO KABAXAYSO

ITOOBIYA OO QIIQ IYO UURO KABAXAYSO

  Leave a comment

Addisababa(RNN) – Saaka Oromadii oo kagadoodsan fanaankii ladilay ee Hajaaluu Hundesa ayaa waxay dhaqdhaqaaq xoogan ka bilaabeen gudaha Addisababa, waxayna gubeen kaalmihii shidaalka, taaladii Minilik, ganacsigii iyo Huteeladii waawaynaa ee ay qowmiyada Amxaaradu kulahayd Addisababa.

Wadooyinkii Addisababa galayay iyo kuwii kabaxayay intaba xalaynimo ayay sii xidheen waxayna dab qabadsiiyeen dhamaan gaadiidkii safarada iyo kuwii xamuulka ee kasoo baxay saaka magaalada addisababa iyagoo gaar ahaan bar tilmaameedsanayay gaadiidka Amxaaradu leedahay.

Naf badan iyo maal badan ayay burburiyeen.

Goobjoogeyaal Addis ababa ku sugan waxay noo sheegeen inay Addisababa saacado yar gudahood muuqaal ahaan qiiq iyo olol isu badashay islamarkaana ay maydad badan oo dad shacab ahi wadhan yihiin laamiyada magaalada iyagoo dadkaas lalaayay noogu sheegay inay ahaayeen dad Amxaaro ah oo labeegsaday, guryahoodiina lagubay.

Dhanka kale, warar ayaa sheegaya in jeel loo taxaabay ninka ugu saamaynta badan qowmiyada oromada ee Jawar Mohammed ladhaho islamarkaana xaruntii TVga OMN ee uu Addis ababa kulahaana albaabada loo laabay.

Waxaa intaas dheer inay Itoobiya jartay gabi ahaanba khadkii internetka taasoo ah dabeecad dhaqamiyan looga bartay Itoobiya inay khadka xidho mar walba oo ay rabshado ka bilawdaan dalka gudihiisa si aan loola soconin talaabooyinka ay dawladu qaadayso ee kadhanka ah shacabka.

Wixii kasoo kordha halkan kalasoco.

Comments

Post a Comment

Popular posts from this blog

Cafisku waa qayb kamida caafimaadka aadanaha W/Q cabdicasiis Abiib mohamuud

Cafisku waa shey qaali ah waa wax loo baahan yahay in laysa saamaxo oo lays cafiyo waayo cafiska waa qeyb kamid ah nolosha baniaadanka. Cafiskana wuxuu lug ku lee yahay jaceylka waayo qof aan waligii wax saamixin ama cafin wax ma jeclaado.haddaad saamaxdo dadka waxay ahaanayaan kuwo ku leh oo mar walba kugu tashada. Soomaaalida waxay tiraadaa JACEYLKU WUXUU KU NOOLAADAA BIXIN IYO CAFIS NAFTUNA WAXAY KU NOOLAATAA HELID IYO ILOWSHO sidaa ay tahay waxaa yar dadka maantay wax cafiya waa dadka maantay iskuma kalsoona mana aaminsano ereyga cafis waxa uu yahay. Cafiska ama saamaxa waa qeyb kamid ah naxariista waaayo in lays cafiyaa xitaa dhanka diinta waa ay ka banan tahay, hadaba raaac qodobadaan soo socda sida aad u baratid cafiska waxa uu yahay iyo si aad u saamaxdo saaxiibtaa ama saaxiibkaa qalad kaa galay. 1. Cafiska wuxuu dhaqaa ama meyraa qalbi bani,aadan wuxuuna cusbooneysiiyaa jaceylka. 2. Cafiska waa midka horseeda nabada, jaceyl iyo wuxuu isku furaa qalbiyada labo ...
Post a Comment
Read more

8 Qodob Oo Kaa Dhigaya Qof Farxad Badan

Waxa had iyo jeer dadku raadiyaan in ay ku noolaadaan, nabad, nimco iyo farxad. Iyo in ay ka baxaan baahida ay qabaan ha ahaato mid dhaqaale, mid caafimaad iyo mid kalaba. Hadaba waxa jira dad haysta nolol fiican laakiin ay hadana dareemayaan in ay wax ka maqan yihiin. Si uu qofku u noqdo mid faraxsan kuna nool niyad wanaagsan ayaa waxa aanu qormadeena maanta kusoo qaadanaynaa 8 qodob oo aad ku heli kartid farxada niyada.1. Ku raaxayso nolosha xilyada fiican ee aad ku jirto. Dib u xusuuso xiliyadii wanaagsanaa ee ku soo maray, warqad ku qor oo akhri si aad u xusuusatid waqtigaas marka aad dareemayso niyad jab. 2. Hawl badan oo waqti badan kaa galo wax kasta waad ku gaadhi kartaa. Waxa aad meel ku qortaa 3 arimood oo aad muhiim kuugu ah oo aad rabtid in aad gaadhid iyo sida aad rabtid in aad ku gaadho. 3. Naftaada dhaqaalee. Samayo xili aad ku nasato sida adiga oo fadhiisanaya meel xeeba ah hawo macaan ka dhacayso. Waqti la qaado qoyskaaga ama saaxiibadaa. Qosolka iyo ilko cadayn...
Post a Comment
Read more

Shirkii Qiimaynta waxqabadka gobolada iyo degmooyinka deegaanka oo furmay.

(tuli-guuleed news) jumce, 27ka April , 2018.Waxaa    magaalada jigjiga ee caasimada deegaanka gaar ahaan madasha shirarka    kaali 2aad ee xarunta madaxtoooyada    DDSI    ka furmay shirkii qiimaynta waxqabadka gobolada degmooyinka iyo maamul magaalooyinka DDSI Haddaba, shirkan qiimaynta ah oo diirada lagu saarayo fulina qorshayaasha   horumarineed, nabadgalyo iyo maamulka suuban  ee u yaalay gobolada, degmooyinka iyo maamul magaalooyinka DDSI khaasatan qorshaha beer,biyaha, caafimaadka  ee baabaca (BBC) ayaa waxaa hogaaminayay  madaxwaynaha DDSI Mudane Cabdi Maxamuud Cumar,   afhayeenka golaha xildhibaanada DDSI ahna madaxa arimaha xisbiga ee  xarunta dhexe ee XDSHSI mudane Maxamedrashiid Isaaq  iyo  madaxwayne ku xigenka DDSI ahna wasiirka horumarinta beeraraha iyo khayraadka dabiiciga ah marwo Sucaad Axmed Faarax warkan oo faah-faahsan warakayaga dambe ayaad kala socondoontaan.
Post a Comment
Read more