22ka April, 2018. Sida lawada ogsoon yahay guud ahaan soomaalida geeska Africa degta gaar ahaan soomaalida itoobiya waxaa intabadan saamayn jiray abaaro soo noq-noqda oo dhaca sanadkiiba halmar ama labadii sanaba mar maadaama oo aysan sifiican uheli jirin roobabkii xiliilaha ahaa ee di’i jiray gu’ga iyo dayrta ama ay waayi jireen sanad ama laba sanaba taasi oo ay keentay aqoon la’aan, wacyigalinta oo yarayd iyo u diyaarsasho weel la’aanta bulshada iyadoo xaalada isbadalka cimilada aduunka ee deegaanka kuwajahan aan lasaadaalin karin taasi oo sababi jirtay abaaro ba’an oo gaysta khasaare naf iyo maalba leh dad iyo duunyaba .
nimco waliba nusqaanteeda ayay leedahaye waxaa wakhti-xaadirkan guud ahaanba deegaanka kacurtay roobab laxaadleh oo khasaare Naf iyo maalba leh gaystay sababayna fatahaado laxaadleh iyadoo ay marar badan xukuumada deegaanku horey uga digtay balse kudhawaad in kabadan mudo laga joogo 30 sano aysan roobabkan oo kale deegaanka kadi’in. Roobabkan ayaana khasaare kagaystay guud ahaanba degmooyinka kuteedsan jiinka wabiga shabeele ee sida iimay-bari, qalaafo, mustaxiil oo ah mida ugu daran una baahan gurmad deg-dega ah, feer-feer, goday iyo xaafado kamid ah magaalada jigjiga oo kuyaala jiinka togga faafaneed ee dhexmara magaalada jigjiga.
mudan inay xukuumada Deegaanku agab iyo raashinka noocyadiisa kaladuwan gaadhsiisay bulshada ay fatahaada roobka togga faafaneed saamaysay ee xaafadaha magaalada jigjiga waxayna xukuumada urartay oo wakhtixaadirkan udhaqaaqaya goobaha sii daran gaadiid sida agabyo iyo raashinka noocyadiisa kaladuwan oo deeq ah. Waxaase wax lagu farxo ah islamarkaana illahay loogu mahadiyo in ay buuxsameen dhamaan biyo xidheenadii waawaynaa ee waraabka, kuwii dhexe, kuwii yaryaraa iyo dhamaan barkadihii deegaanka laga sameeyay oo muddo yar kahor faaruq ahaa.
Dhinaca kale xukuumada deegaanka ayaa waxay ku boorinaysaa guud ahaanba bulshada deegaanka inayka feejignaadaan fatahaadaha roobka islamarkaana ay roobabka laxaadka leh uga faaiidaystaan dhinaca tabcashada beeraha iyo kaydsiga biyaha.
Ugudambayna, hay’adaha dawliga ah iyo kuwa aan dawliga ahayn ee heer deegaan iyo heer fadaraal iyo dawlada faderaalka ahba ee bahwadaagta la ah xafiiska kahortaga iyo udiyaargarowga masiibooyinka DDSI waxaa laga sugayaa inay kaalintooda kaqaataan gurmad deg deg ahna gaadhsiiyaan bulshada ay saamaysay fatahaada roobku ee degan meelaha ay fatahaaduhu kadhaceen ee saaran jiinka wabiyada iyo meelaha ay maraan toggoga waawayn ee deegaanka iyagoo latashanaya xukuumada Deegaanka gaar ahaan xafiiska kahortaga iyo u diyaargarowga masiibooyinka DDSI.
waxaa diyaariyey cabdicasiis abiib mohamuud
Comments
Post a Comment