𝐋𝐚𝐦𝐦𝐚𝐚𝐧𝐢𝐡𝐢𝐢 𝐉𝐚𝐜𝐚𝐲𝐥𝐤𝐚 𝐞𝐞 𝐤𝐚 𝐡𝐨𝐫𝐞𝐞𝐲𝐚𝐲 𝐂𝐢𝐥𝐦𝐢 𝐢𝐲𝐨 𝐇𝐨𝐝𝐚𝐧

𝐋𝐚𝐦𝐦𝐚𝐚𝐧𝐢𝐡𝐢𝐢 𝐉𝐚𝐜𝐚𝐲𝐥𝐤𝐚 𝐞𝐞 𝐤𝐚 𝐡𝐨𝐫𝐞𝐞𝐲𝐚𝐲 𝐂𝐢𝐥𝐦𝐢 𝐢𝐲𝐨 𝐇𝐨𝐝𝐚𝐧

Had iyo jeer waxa aynu maqalnaa marka laga waramayo jacayl daran oo dhex mara laba qof oo soomaali ah ,in ay ugu horeeyeen cilmi boodhari iyo hodan.

Haddaba, hal-abuur cabdilaahi saleebaan bidde oo ah, hal-abuur  leh suugaan(heeso) badan oo hirgaley ayna walaalo yihiin hal-abuurka kale ee caanka ah waa axmed saleebaan bidde e ayaa sheegay  in ey jireen lammaane ka horeeyey cilmi iyo hodan ,oo jacayl darani dhexmaray kuwaasi oo ahaa reer saylac lana kala odhan jirey muriyo iyo xuseen.

 "Seylac geed baa ka baxay labadooda qabri, geedkii ayaana isku maran" ayuu yidhi Cabdullaahi Saleebaan Bidde oo u waramayey idaacada bbcsomali.
Waa tan beydad kamid ah hees uu qaado xasan aadan samatar oo uu hal-abuuray cabdilaahi saleebaan bidde oo uu kaga waramayo arrinta aynu ka soo hadalney.

“ Qarnigii Sagaalaad,
    surinkuu jacaylkani,
   Soomaali kaga yimid,
   sow Seylac ma ahayn,
   isku soohmeen laba geed,
   isku sudhay kalgacalkuye,
   sifahoodi weeyee.”