Cabdicasiis abiib mohamuud

TAARIIKH KOOBAN:-“Aan oooyee Albaabka ii Xidha” Abwaan Maxamed Xaaji Ismaaciil Maxamuud’Barkhad Cas’,AUN. 1958kii gumeeyteha ingiriiskaa si isbaddala kaga go’aan gaaray in Mustacmaradda Ingiriiska ee Dhulka Soomaali la siiyo madaxbanaanidayda, si uu uga hortago kacdoonka soomaalida ee qarannimo ee ku lidka ahaa hoosgeeynta Dhulal Soomaaliyeed Itoobiya iyo Kenya; Imberadooriyo ee uu gumeeysteha dhistay (Maxmiyad), kana dhigtay gumeeyste. 1958kii waana sanadkuu soo booqaday Dukiska ee  Gloucester (Henry William Frederick Albert ) mustacmaradda ama siday dhahaan “Maxmiyadda”; waana ninkuu Maxammad Xaajji Ismaaciil Maxamuud (ku naanaysnaa Balaayo Cas geeridiisa kahor; kadibna Barkhad Cas) ugula jeedaa gabaygiisa, isagoo u jawaabayay kalkuu walaalkiisa Aadan ugu wacay inuu ka qaybqaato ku soo dhaweeynta dakadda dayuuradaha iyo munaasabooyinka dabaaldageed ay xukuumadda mustacmaradda u qabanqaabisay Dukiska. Abwaanadii wadanka ayaa loo yeedhay oo laga codsaday in ay soo dhaweeyaan sar

Magaca: Gurmad Curiye: Maxamed Xaashi Dhamac “Gaarriye” Dulucda : Hawaala-warran iyo hillaadin. Godka: Saar1 Goorta: 2005. Gun baa haan laga unkaa Duq baa geel loo tumaa Gaw ban ka aqaan durbaan, Waxaa geed lala tagaa Genkaad tahay erey la da’ ah Gefkana bashar baad u tahee Haddii aad garowdo khalad Gob bay tahay caadadeed. Waxaan godobtiisu hadhin Gar aad leeduu ogyay Nin kaaga masuugay gole. Waxaa gabay lagu saxdaa Candhuuftu gashaa dalqada Markuu milil guud ka dhayo. Golxoo dhami maaha dhalan Mar bay ged kaleeto tahay Dibnahoo ku gariira iyo Gengada waxaa keenta been. Waxay tixdu gaabsataa Damiirku markuu gam’aa, Haddii hal ku seego geed Waxaad gocataa hurdada. Intaa guntay oo dhigee Hadduu geeraar wax taro Maxaan gelin dhexe onkoday, Maxaan goohoon tallamay, Adoo gabbalkaagu dumay Maxaan gudcur bajiyoo U daaray cadceed gayiga. Maxaan galab oogay shamac Waxaan guuraha meershiyo Waxaan subax loogay gool Hadday gees kaa mareen Maxaad farta iigu godi? Dhegtaadaa soor-gad l

Madaxweynaha cusub ee dowlad deegaanka Soomaalida Mustafa Cumar ayaa markii ugu horeysay ka shanqariyay barnaamijkiisa waxqabad marka uu soo dhiso golaha wasiiradda. Isaga oo ka hor hadlayay baarlamaanka deegaanka oo shir ku yeeshay magaalada Jig Jiga ayuu mudane Mustafa jeediyay khudbad dheer, wuxuu si hordhac ah uga hadlay qodobo badan oo ku saabsan waxyaabaha uu qaban doono muddada xilka uu haynayo. Waxaan kasoo qaadanay 9 qodob oo ka mid ah waxyaabaha uu sheegay in uu qaban doono. 1.Isbadelada Isaga laftiisa waxa uu ku yimid isbadal siyaasadeed kii ugu balaarnaa oo ka dhacay guud ahaan Itoobiya tan iyo intii uu xilka Ra'isulwasaarenimada qabtay Abiy Axmed, sidaas darteed Mustafa Cumar waxa uu doonayaa in isbadalada ka socda guud ahaan Itoobiya ay ka dhaqangalaan deegaanka Soomaalida. Isaga oo hadlayana waxa uu yiri "Isbadalka heerka qaran ka socda ma jirto sabab uu deegaanka Soomaalida uga haro, waxaanan rabaa in uu halkan ka socda, sida xagga dimoqoraadiyad

Hordhac Walaalayaan waxaan ku jirnaa Bishii barakeysend ee Ramadan oo aynu khayraadka ku jira ka wada dheregsanahay waxna inagu seeganeyn. Hadaba ujeedayda Maduucan waa inaan is waydiino xidhiidhka farxadeed ama murugo ee ka dhexeeya carruurta iyo ciida bishan ramadan Carruurta Somalidu aad ayey ugu xisaabtamaan bisha RAMADAN sababtoo ah labada ciidood ee ciidul fidri iyo carafo waxaa carruurta ugu jira fursado aaney ka helin wakhtiyada kale. Sidaan ognahay, bulshada islaamka waxay xusnaa una dabaal degnaa labada ciidood (ciidul fidri iyo Ciidul carafo). Dabaal degyadaa waxaa ka mida inaan carruurta u iibino dhar iyo  kabo cusub , waxyaalo ay ku ciyaaraan sharaab, xaqal ciid, waxaynu u dalxiis gaynaa meelo cusub si ay farxad ugu ciidaan maalmaha ciida. Sidaaawgeed labada ciidood waa maalmaha kaliya ee ay carruurta somalidu ku xisaabtamaan. Mida kale dadka somalidu sidey u badan yihiin duruufo dhaqaale dartood,  labada ciidood gaar ahaan ciida soonfureed(ciid firdri) waa mark

Cafisku waa shey qaali ah waa wax loo baahan yahay in laysa saamaxo oo lays cafiyo waayo cafiska waa qeyb kamid ah nolosha baniaadanka. Cafiskana wuxuu lug ku lee yahay jaceylka waayo qof aan waligii wax saamixin ama cafin wax ma jeclaado.haddaad saamaxdo dadka waxay ahaanayaan kuwo ku leh oo mar walba kugu tashada. Soomaaalida waxay tiraadaa JACEYLKU WUXUU KU NOOLAADAA BIXIN IYO CAFIS NAFTUNA WAXAY KU NOOLAATAA HELID IYO ILOWSHO sidaa ay tahay waxaa yar dadka maantay wax cafiya waa dadka maantay iskuma kalsoona mana aaminsano ereyga cafis waxa uu yahay. Cafiska ama saamaxa waa qeyb kamid ah naxariista waaayo in lays cafiyaa xitaa dhanka diinta waa ay ka banan tahay, hadaba raaac qodobadaan soo socda sida aad u baratid cafiska waxa uu yahay iyo si aad u saamaxdo saaxiibtaa ama saaxiibkaa qalad kaa galay. 1. Cafiska wuxuu dhaqaa ama meyraa qalbi bani,aadan wuxuuna cusbooneysiiyaa jaceylka. 2. Cafiska waa midka horseeda nabada, jaceyl iyo wuxuu isku furaa qalbiyada labo

SIDEE LOO ABUURAA GANACSI (how to create a business): Marka hore waxaa habboon in aan qeexno sua’aasha ah waa maxay ganacsi? Waxaa jiri kara qeexido badan waxaan se kusoo gaabsanaynaa ganacsi waa gedis ama isweydaarsi badeeco ama adeeg dhex mara laba qof iyo wax kabadan. Waxyaalaha ugu horeeya ee loo baahan yahay si loo abuuro shirkadd guulaysata waxaa kamid ah in lasameeyo nidaam ganacsi oo afka qalaad lagu yidhaa Business Planning. Waxa aynu halkan ku faahfaahin doonaa waa maxay nidaaminta ganacisgu (business plan): I . Qorshaynta ganacsiga (Business Planning): Nidaamka ganacsi inkasta oo uu leeyahay qeexido badan hadana waxaynu kusoo koobi karaa waa qoraal nidaamsan oo lagu qeexay laguna soo koobay ujeedooyinka ama marxaladaha ay marayso shirkadda cusub oo laga raadinaayo faaiido. taas oo noqonkarta nooca ay tahay shirkaddu iyo waxa ay qabanayso (general company description), waxa ay higsanayso (vision), ujeedooyinka shirkadda (objectives), nidaamka suuq geynta (marketi

Waxaynu had iyo goor maqalnaa hebel ama heblaayo way shaqaysaa ama ma shaqayso ama wuu         shaqeeyaa ama ma shaqeeyo.  Hadaba waa maxay shaqadu ?  in waxan laga shaqaynaayo laysla garto miyaanya mudnayn, waayo dadka qaarba shaqada si ayay u arkaan. Nin haadaha  ah ayaa tuulo, tagay markaas ayuu nin reer leh waraystay, wuxu yidhi waar xaaskaagu ma shaqaysaa? Ninkii tuulada ayaa ugu jawaabay maya, ma shaqayso, ninkii hayada  ayaa ku yidhi oo hadaa maxay qabataa, ninkii tuulada ayaa yidhi aroortii reerka iyadaa ugu hor kacda, quraacda ayay diyaarisaa, caruurta ayay kala dirtaa, marka ay barqinka tahay ayay shaah beerta iigu keentaa, intaa ay joogto beerta ayay waraabisaa, gurigii ayay ku noqotaa oo qadada diyaarisaa, hawshii reerka ayay gashaa hadana cashadii ayay diyaarisaa, marka la wada seexdo ee ay qofwalba ku hubsato inuu joogo, ayay guriga soo xidhaa, iyadaa ugu dambaysa oo seexta, ninkii hayada ayaa ku yidhi sowdigii igu lahaa xaaskaygu ma shaqayso. Cajiib. . Gabadh ay